الحلم الاكبر

موضوع: ***الحلم الاكبر*** السبت مايو 22, 2010 1:19 pm

كل واحد منا له أحلام، سطّرها ويسعى من أجل تحقيقها، بداية من الطفل الذي يحلم باقتناء اللعبة، إلى غاية الشيخ الذي يحلم برؤية الكعبة،

، فالحلم يتبعنا منذ الصغر وإلى غاية الكبر، بل وربما حتى الجنين المقبل على الدنيا تجده يحلم بالخروج من الظلمات إلى النور، ليلتقي بأولئك الناس الذين يسمع أصواتهم وهو في بطن أمه، وكذلك الخارج من الدنيا، لعلك تجده يحلم وهو على فراش الموت، فمنهم من يحلم برؤية كل أولاده، ومنهم من يحلم بأن يؤدي دينه قبل الممات، ومنهم من يحلم بالمزيد من الوقت ولو دقيقة واحدة ليزيد من فعل الخيرات، تهيؤا للوقوف بين يدي الرحمن، إذن الحلم هو الدافع والمحرك الذي يجعلنا نتفاءل بالمستقبل، ونعمل على تحقيقه، ونتفاعل مع الحاضر ونعمل على اغتنامه، من أجل الوصول إلى الحلم الذي سطرناه، لكن عادة ما يكون هذا الحلم هو سبب تعاستنا، فمن كثرة تشبثنا به نخسر كل حياتنا، وهذا لعدة أسباب ولعل أهمها هو عدم سلك الطريق الصحيح من أجل تحقيق الحلم، أو ربما نقص الإرادة أو عدم اختيار الحلم الصحيح، أو بسبب نقص صبرنا أو استعجالنا في الأمور، أو بسبب العمل على تحقيق ذلك الحلم وتكريس كل أوقاتنا وقوانا له وترك حقوق وواجبات أخرى من شأنها أن توصلنا إلى تحقيقه، أو بسبب كثرة التمني كمن غرّتهم الأماني وغرّهم بالله الغرور، وأهلكهم طول الأمد كما أهلك من قبلهم. الحلم هو وسيلة تجعلنا نعمل على إصلاح دنيانا وآخرتنا، لكن للأسف بعض الناس أساؤوا التعامل مع الحلم فأصبح عدوهم الذي أفسد عليهم دنياهم وربما آخرتهم،

الحلم الأكبر

بسم الله نرفع القلم ونصلي ونسلم على خير البشر

سيدنا محمد الي علم الناس بلي الي يحب يقدر

وعلملنا بلي لبنادم قدما يخدم وقدما يهدر

ربي سبحانو دايما يحكم على حساب النية الي فالصدر

خاطرالنية تخليك تخمم والتخمام يخليك تقرر

والقرار يخليك تخدم باش لحياة تبدى تتغير

وقدما تخدم تزيد تتقدم كل يوم خير من يوم وحداخر

تحقق حلم من بعد حلم حتى تلحق للحلم الاكبر

ما يهمش انك تلحق تم تم وما يهمش انك تلحق متاخر

انما المهم راك تتقدم هنا معنتها ما راكش توخر

والحلم هو صديق لبنادم تربط بيناتهم علاقة الصبر

اما عدوهم هو التشاؤم لما تقول مارانيش قادر

ولا تقول قادر نخدم لكن خايف نعثر ونخسر

لا نتقدم ومن بعد نندم وتبقى تخمم والوقت يمر

ولا تبقى تقارن وتلاوم وتقيس روحك بوحد اخر

هو يمشي وغير يتقدم وانت تدور غير فالصفر

ولا تولي كي تتكلم تقول انا ماعنديش الزهر

انا ما نقدرش نتسقم انا حزين و انا مدمر

ولا تشوف الحال مغيم تبدى تقول ربي يستر

نهار اليوم يفوت مظلم ويفوت النهار كيما تهدر

ولا تشوف كاش بنادم تقول ذا وجهو يعيط للشر

و لو النهار يكون مسقم دير في بالك رايح يخسر

ولا تخير كاشي رقم وتقول هاذ الرقم كي يظهر

يجيبلي النحس وغير الشؤم تولي تشوفو كثر من وحدوخر

على خاطر كيما تتكلم تولي تحس تولي تفكر

تولي تقرر تولي تخدم وكلشي يخرج كيما تهدر

وعلاش ماشي خير تتعلم تحط الخير في عوض الشر

تحط الحلم في عوض الهم وتقول بربي نشاء الله نقدر

ولما تشوف الحال مغيم قول نشا الله خير واستبشر

ويلا ما لقيتش واش تتكلم قول راه رايح يطيح لمطر

وحتى لما تكون تخمم قول انايا عندي الزهر

وكل حاجة تقدر تتسقم لوكان الواحد برك يقرر

ولما تشوف كاش بنادم قول بنادم وماشي كثر

لما تفوت عليه اتبسم وسلم عليه ايلا تقدر

ولما تعمل حاجة اكتم واقضيها فالكتمان والسر

ما تقولهاش حتى تتخدم وكي تفريها تقدر تهدر

ولازم تشد هذاك الفم وديما قبل ما تهدر فكر

ودير فبالك اعضاء الجسم ملي تنوض غير فيه تنهر

وما لازمش تكون متشاءم اتفاءل خير قدما تقدر

ودير في بالك بلي بناد مربي فضلو على وحداخر

واحلم قدما تقدر تحلم والي يحلم ماعندو ما يخسر

ويقولو بلي هاذ العالم ملك للي يحلموا كثر

المهم برك لبنادم يخدم وما يقعدش غير يفكر

ويحاول يعيش كل دايم مابيد يلحق نهار وحداخر

يرفد مالماضي واش تعلم والباقي كامل يعطيه بالظهر

ولما يشوف روحو يتالم يقول الي يمشي هو الي يعثر

والي يسعى والي يخدم هو الي تصيبو يغلط كثر

والي حابس وقاعد التم هذاك يتسمى راه يوخر

والفارس لما يكون متحزم فالمعركة لما يخسر

من ديك المعركة يتعلم كيفاش يربح الحرب فاللخر

ولازم عمرو ما لبنادم ما يقول ما عنديش الزهر

الزهر ماشي هو الي يحكم هو بروحو راهو مسيؤ

ما كان شواف ما كان منجم ماكان عراف ما كان ساحر

ماكاش حتى افتح يا سم سم الي قالولنا تفتح لحجر

كلمة السر راهي فلبنادم حاسب روحك وش راك تهدر

ز شراك ناوي وش راك تخمم والي يحب دايما يقدر

ومهما الهم عليك تلايم مهناه الله يحبك اكثر

اذا حب قوم ابتلاهم واعطاهم مفتاح سماه الصبر

ويحب لبنادم الي يعزم او من درك يبدى يغير

الاهم قبل المهم والمهم قبل وحدوخر

ويحب تانيت ذاك لبنادم الي ينوض صبح ويبكر

يحب لبنادم الي يخدم ويشقى ويتعب باش يدبر

يحب لبنادم الي يتعلم حاجة ويعلمها لوحدوخر

يحب لبنادم لي عندو دراهم وقدما يصدق يزيدلو كثر

يحب الفقير الي يحلم ويحمل الفقرويحمد ويشكر

يحب لبنادم الي يندم وكلما يغلط يعاود يستغفر

يحب لبنادم الي يحكم عقلو وقلبو ويبدى يامر

ويقول اناهو الحاكم وفهاذ الجسم انا الي نقرر

ولما نحب نقدر نتسقم نشوف روحي كيفاش نفكر

كيفاش نضحك كيف نتبسم كيفاش نمشي كيفاش نهدر

كيفاش نولي نسامح او نرحم او نتعاون عالتقوى والبر

ننصر المظلوم عالظالم وننهى عن الفحشاء والمنكر

ونامر بالمعروف ونسلم لما نفوت على وحداخر

كيف نولي نصرف الدراهم ما نبذر وما نتمسمر

نشوف الصاحب ايلا يوالم ونجبد لا كان يدير الشر

وفي عوض ما نبقى نتكلم وفي عوض ما نبقى غير نهدر

بكل بساطة نولي مسلم لا اقل ولا اكثر....

ولو انو هاذ العالم ما راهوش رايح يتغير

لكن ممكن انو بنادم يعاود يولي بنادم وحدوخر

تأليف فيصل كرشوش

ببساطة
رائـــــــــــــــــــــــــــــــــــــــــــــــــــــــــع
يعجر لساني عن شكرك اختاه
بارك الله فيك

زائر

وااااااااااااو مميز جدااااااااااااااا ألف ألف شكر لك اختي رحيل

موضوع راااائع جدا
انا ايضا يعجز لساني على النطق
ثانكس اختي رحال على الموضوع

مشكورة أخت رحيل على النقل المميز

موضوع راااااااائع جدا اختي رحيل

السلام عليكم

موضوع جميــل جدآآ .. لا استطيع ان اضيف كلمة على ما نقلتي لأن فيه كل شيء

سلمت يداك اختي على النقل و يعطيك العافية

تقبلي مروري ..

موضوع جميــل جدآآ
بارك الله فيك

لك جزيل الشكر المبدعة, فكما عهدناك دئمآ تاتينا بكل ماهو جديد وجميل
ابدعت كل الابداع في هذه الرائعه الشعريه وماهي غريبه عليك ان تاتينا بكل مانهواه
صح الله لسانك وسلمت يمناك بحق قصيده نالت كل اعجابنا

شكر للجميع ردودكم اسعدتني

موضوع راااائع جدا

» ®][.العلم.الحلم . القلم . الظلم .][®

***الحلم الاكبر***

الحلم الاكبر